ZOMBIE 玩後感(劇透慎入!!!!!!)

玩左4日打爆左,先俾一俾個結局大家睇一睇


https://www.youtube.com/watch?v=ceFFWHIHEuw

前言:

哩4日真係過得好長,每次玩個陣都會想快d爆機快d離開倫敦.玩完之後我就更肯定我一定唔會玩outlast的

正文:

好咁之前都講過一d關於哩隻game既初玩感.咁到玩完啦又有d咩感想同發現呢????

咁首先講一講哩隻game有兩個特別地方,第一就係佢係行一個叫做"角色永遠死亡"既制度.咩黎呢其實即係如果你用個個角色死左到load返checkpoint時就會用

另一個角色取替上一個角色.即是話其實無主角總之你用緊咩角個個角就係主角,同埋角色死左到load返checkpoint個野係load個新人姐個d物品會仲係上一個你控制個個角色度.

所以你就要好似DS系列返去檢屍但記住中途唔好死喎.

第二其實廢話黎姐不過哩隻重要小小所以提一提,記住出左字幕唔好咁快退game.因為隻game個真結局其實係字幕之後,字幕前個d純粹交代一個你唔會知既野姐.

感想:

其實一開始純粹係喪b game見又幾平當係untildawn前既打發時間game.不過玩落都唔錯,遊玩唔會太長,故事簡單直接,槍枝數量多又有得強化同埋個氣氛都做得唔錯由其是個d嚇人位

我睇得出係有度過諗過.唔好話你無槍,就算我成身槍都驚死.一嚇一嚇士氣即刻降低咩陣腳都亂哂同埋又扣得甘50%血已經係紅血都唔知食唔食藥好.

如果你問我最怕咩喪屍呢???我最怕自爆喪屍.我第一個角色都係咁死炸.記住打自爆喪屍一定唔可以用近戰.

總括黎講148蚊抵比的

下面係大結局足本版如果淨睇結局唔夠侯就睇埋哩個啦


https://www.youtube.com/watch?v=swD4xj5I6MA


https://www.youtube.com/watch?v=P5QMAn0MHAE