轉貼:兔仔今天出世啦~（相片每日一貼)

Nova

1188分

21樓

Nova

個人積分：1188分

文章編號：1904436

好可愛喔～看起來好想吃喔，其實我的意思就是很可愛…

部落格：http://novafly.idv.tw

he214b

106分

樓主

he214b

個人積分：106分

文章編號：2071115

http://forum.hkgolden.com/view.asp?message=812630

十一月三十日，對大家來說只是一個平凡的日子，但對我來講一點都不易過，十隻生命的命運取決於我的一個決定或上天的安排，而且對母愛的偉大深深感動 ~
其實可能大家都估倒了，我隻兔仔又生了兔仔，但今次不是四隻，而是九隻！
可能大家又會怪責我點解又會比佢生？其實我真是好無辜…大家還記得上次我個兔仔post有幾日無做每日update d 相，其實果幾日我肺炎入左醫院，無錯! 就是果幾日出事了，隻公好醒目地推開左個攔走左入去隻乸度…所以就出事了。隻公真係好聰明，次次都是我唔係屋企果陣來發難！
而點解我又會有禁大感觸呢？事源佢生前幾日如常好似上次一樣要找材料做竇去生兔仔，我當然照例比幾塊布和多些草比佢做，但這次不同了，佢好似多多材料都唔夠候，我當然再比多些佢，經過兩日佢已經做左一個好大的竇，我都估佢會生比較多的兔仔了，到生前一日，天氣已經幾凍了，佢竟然再將身上一半以上的毛「蚊」去再加上個竇上，整到成個廁所都是毛，佢自已身上好多部份都可見到粉紅色的肉，試問晚上只得十幾度的氣溫佢點夠暖呢? 而且經過上次佢餵奶個四隻兔加上身內果九隻兔，佢已經好瘦弱，真是可以講是皮包骨，但佢都將身上不厚的毛大部份比曬佢將會出世的兔仔，這一刻自已真是好感動…換轉是自已又可否得到呢?
十一月三十日下午五點半我趁返工食飯的時間回家睇睇佢，發現佢已經生左，而且已經將d兔仔清潔乾淨，但我未放工沒時間去清潔佢個竇和點算兔仔的數目，在我返工的途中我太太告訴我佢生了九隻，我當時都嚇一跳！回家後我幫佢清潔個籠及佢生兔仔個竇，本來都唔想掃清佢個辛苦築起的竇但實在好恐怖，又屎又血，無法，但清潔完佢已經大發脾氣，將個草兜反轉再反轉，但在此時我看見佢個廁所好紅，原來佢屙血！而且數量都唔小，放佢出來走動，佢都有小小滴血，此事非同小可，應該是生兔仔的時候受傷，我馬上睇下佢是否外傷，但無發現，應該是內傷了，此時自已真的不知點辦，正常來講應該馬上帶佢睇醫生，但佢生完仔，如果郁動佢，怕佢受驚可能傷口更大，而且個九隻兔仔點算呢？一定要食佢的奶，佢一走，九隻兔仔一定死! 十條命的生命就在此一刻要做決定，你又會點做呢？（待續…）
本文張貼於 3/12/2006 11:56

救大唔救細？好無奈…但我最後決定一動不如一靜，觀察一下先，將佢地的命運交比個天…
到早上我再睇下佢，發現佢個廁所還有血，而佢就縮在一角，個樣唔多精神，可能痛吧？而我睇下班兔仔，見佢地全部訓曬，個肚有小小漲，應該有餵奶比佢地，在佢痛苦的時候還有做一個母親的責任，好感動…正當我摸佢背的時候，感覺摸倒的只是一棚皮包骨，好瘦，生之前佢食量都唔細，但可以講佢全部的營養都比曬肚內的兔仔，現在佢唔舒服食量不多，又要造奶水，好擔心…
由於要返工，所以摸左佢一會就要走了，臨走前再多望佢一眼，一個四年前早上似曾相識的感覺湧出來，當時我養左廿幾年的龜病重，由於要返工無時間帶佢睇醫生，本來第二日我就放假有時間，但我放工的時候已經離開左我…而早上我離開前望佢的眼神和我現在望住隻兔是一樣…好唔安樂，但又無辦法唔走，好無奈…
放工後馬上趕回家，好彩~見佢無事，而且比早上的時候精神而且有返食量
，再望望佢的廁所，血已經減小了好多，我相信佢已經從鬼門關走了出來~
母兔總算是保住了，但佢還可製造足夠的奶水餵兔仔嗎？我可以做的只是比多些有營養的食物佢，在這十多日內還是危險期，佢地是生是死只好等上天的安排了…
本文張貼於 3/12/2006 16:48