轉貼一位新聞組網友用n80

轉貼一位新聞組網友用n80

N80己出了近一個月, 相信沒有人比我更無奈吧.

小弟於2006年5月27日(無錯, 就係剛出機果日), 第一次花5千幾蚊買左部N80. 一直普普通通的使用到今天, 想不到今日早上境發現十字方向鍵不能運作. 之後連接電話的鍵也不能用.
二話不說飛身去旺角Nokia專門店修理. 想不到境是惡夢既開始.

去到旺角專門店, 一上去已經見到好多人....... 拿張飛再睇睇塊人數板........直頭呆左. 有咩理由要人等成50幾個人, 個位得果小小, 過左飛又無得返轉頭. 成70幾人(重
有一班係等拿返部機既) 就係一個唔知有無600呎既空間到等(我覺得自己好似係偷度等落船既人). 等左成個鐘, 終於等到啦. 心想, 好小事姐, 以Noki既服務(1小時修機[佢地自己
話嫁])該easy job. 之後佢叫我等一小時. 等左一小時, 終於有個唔知咩Nokia 既人打比我. 佢同我講, 部機無得整, 只會同你換機, 不過部機無貨, 要等二個星期. 我再問佢
, 係唔係兩個星期後一定有. 之後佢重同我講話二個星期左右啦, 有就有, 無就再打黎問幾時有. 咁即係點呢? 大拿拿5千蚊拿左出黎, 而家係你地部機有問題, 重要我等, 等都
好啦, 重要等到唔知幾時. 得覺得自己真係洗錯左5千蚊去一間咁既公司. 之後我再打佢專門店既電話想再問, 2866 7100.....打左足足20次都係無人聽, 唔係唔通, 係直頭長響. 乜原
來而家Nokia服務係咁嫁.......

之後我細心再想, 有什麼可能咁大間Nokia專門店會無一部N80換比我呢. 我懷著奇怪既心情再去返Nokia 專門店樓下問人有無新機. 點知個sales話有, 重要即刻有現貨果隻, 聽到呢句
我直頭火都黎埋. 原來Nokia係咁既, 買就有, 佢部機有事啦, 整唔到話換就無貨. 之後我即刻上返去再排多45分鐘隊同佢地一個叫Vic Kwok既員工對質. 佢夠擔死話兩度係分開既, 唔可以比部機我.
我再追問佢幾時有機, 我要Confirm 既日期, 佢先話最遲7月7日有. 我大拿拿5千幾蚊買既一部機, 而家係你公司部機壞左. 重要我等二個星期, 錯係佢錯, 所以野就我受.

因為部機我已經買左好多日, 所以已經將一塊六十幾蚊既保護貼貼左上去, 咁我再問佢,
我保護貼無左邊個陪, 佢夠擔死同我講係嫁啦, 之後再講係部機度整返佢出黎比返我.......我果刻真係想講, 你唔好打我一身用塊膠布同我貼返個傷口. 果時我已經無佢咁好氣啦, 我就起
身同佢講: 好, 算, 不過我會打電話去消委會告你地. 就咁就回家呆等出呢個post啦.

想唔到今時今日既Nokia會搞成咁, 我6年前開始用Nokia既機, 由3210 (最舊既, 唔記得個number啦) 到 5500 (有冇人記得呢部呢, 內存64M Ram果部) 再到 3300 (成日有人唔知點聽
電話果部) 再到6260(呢部大家一定知啦) 再到今時今日既 N80 (不知所謂). 我一直跟左Nokia 6年, 從來沒想過轉其他品牌既手機, 不過今次, 我真真正正地失望. 錢洗左,
不過換來一肚子氣. 而且見到Nokia不停退步既服務態度(一部2千多既Ipod Nano有問題都即換新機啦, Nokia講明冇得整都要等機換...). 我相信N80之後我唔會再用Nokia既機. 至
於N80拿返之後再會唔會轉手, 我還在考慮心, 因為我唔想再受多幾次氣啦.

順帶一提, 在場見到好多人都等到火, 怨氣極重. 有個呀伯重大叫2個月整左3次..........有位好靚既小姐等左2個幾鐘終於忍唔住罵個職員, 罵員都係打份工, 所以我都覺得個員工好可憐, 不過個小姐有
一句說得好中, "咩野一個鐘維修服務, 根本就廢話". 我想同佢講, 你已經好啦, 我真係一個鐘就回覆我, 不過叫我等2個星期呢, 你有得拿已經好命啦, 你果部幾多錢, 我果部又幾
多錢呢..........

睇完我既post, 你地點睇呢? 係我要求太多遠是根本就唔應該有要求呢? 無論你點睇,
我都想同大家講, 買Nokia 既機之前想清楚, 今時真係唔同住日, 以前服務好既Nokia已經不再. 買左N80既朋友, 我只好祝你好運 (或者維修部見..........)