自己又驚又喜之下膽粗粗都報左名..
首先多謝各位車友幫手安排機票及酒店~始終人生路不熟..
係香港為有自己做好準備..
今次香港出發的瘋韓友~知道堡主同阿JOE會參加,抱住跟人學野拎經驗心態來
當地用ATM拎錢,方便(記得係香港開通番海外提款服務就可以)
零晨機到達KOREA,去到酒店已經天光..之後再坐300K路程,好彩包車,之後晚上訓得唔太多,KOREA時間俾香港快一小時,簡單講,我地訓少一小時..香港時間約02左右就要起身準備~狀態唔係最佳下出發.
酒店去起點約7.5K,我們要背住落地袋到達,建議落地袋用背包比較好(落地袋,係提供比較長途人士用黎預先放定物品,等較遠CP時可以拎回物件及放回不需要物品用,一般會放外胎,充電池,一般600K以外長途可考慮選用,今次約400K,700同900K有3個可拎回落地袋地點)
韓國1200K路線,係繞韓國一部份,好處係無回頭來,唔好處踩唔完要回程都比較麻煩,藍色係落地袋位置)
今次戰車..行裝,加落地袋
今次睇左幾個長途車友自己再整合出準備物品,同大家分享下,歡迎大家交流..
今次長途1200K,都有3次可以拿到落地袋,所以都準備左4絛內胎,2絛外胎,以便不是之需, 帶左支泵,可以打氣及用CO2,補胎胎,快拆扣等
燈方面. 帶左3支尾燈,一支頭盔同車,因為外國入夜唔同香港,真係伸手不見五止.所以頭尾燈唔少得.以保障自己安全,唔好以為香港用支青蛙燈就可以 今次得賊船車友推介,用天使燈加尿袋效果非常好,再加行山燈,可以長時間開 另外KOREA需耍係腳方面帶反光帶
CUT鏈器加工具唔少得
因為今次KOREA係環一圈,唔係回頭路,萬一有怎麼情況DQ踩唔到,係個邊坐火車或巴士都需要入袋,所以都要準備一個車袋跟身.
今次旅程驚喜,多謝WIWIN介紹~ 每日3包..每包都係3.5左右~值得試
防水物品,褲,鞋套及防水外套,要跟身
今次帶左唔同野食去試下 POWER GEL下次真係唔駛帶. 反面下面綠色包裝電解片同溝水用呢款好有用,下次會帶.
長途不可少,防曬,按摩膏同埋防磨膏
作戰篇
總共14CP.每個CP距離,今次主要學到分配時間同速度去休息.係阿JOE身上吸收好多~感謝
自從年頭踩完香港300K後,已經冇哂長課,就算OVER 100K都少,不過知道左以前自己問題,就係成日唔夠休息,所以之後都盡量早訓.早起,適應番正常人生活,今次0500開波,當時開始天光..
不同車友頭車裝備,右下角係小弟,頭袋非常有用,可以俾我拎外套方便
因為今次環一圈，冇回頭路線，落地袋借跟車分別係cp 5約4百k ,cp8同cp 11可以拎落地袋,今次負責係當地會長,好感動...
首次有香港人參與KOREA 1200,一睇就知邊個最強壯..
一行人跟大隊NON STOP去到第一個CP(約65K),之後腳程問題,開始同大家分批踩.CP1後都係一個自己踩,慢長公路戰,全平路,搵個人都冇..之後去到CP2,好彩撞到車友幫手叫食物,食完飯後,撞到阿JOE同謙..,決定跟埋一齊踩,互相照應,應該講阿JOE睇住我地.
347K,到達CP,可以係呢到搵地方休息,訓到2小時左右,好彩可以沖過涼..涼下個PAT PAT,閃一閃就要起身..
右起開始都跟大隻團踩緊,當時KEEP 35至38左右,右邊係CP3,經過慢長單車徑,去到要係電話亭自己吸印仔同寫時間,真得意
今次天氣都好大幫助~冇落雨,天氣清爽,踩長途車天氣都係首要因素,今次防水裝備之外,得到JOE大大提醒,帶埋腳套,果然有用,一到夜晚就要換上.熱時就除..保暖好多.
有人問踩咁長會唔會悶?點會悶,日頭起碼有佢陪住我..
同埋落地袋同酒店都唔太方便,令休息時間更加少,
係04至08呢個時間踩車係最辛苦~因為平時都係訓緊,所以呢4個小時踩車係發緊夢,日頭天氣都比較涼,所以都要著件外套,到達CP5...終於可以拿落地袋,但冇地方俾你沖身,只可以隨地換衫,手套同(物)就起行
換左件面衫,褲都冇換,繼續上路,今日風景係最靚一天,沿住個海踩,睡意隨著天光慢慢減底,車速也開始加快.
今日頭半PART都係ROLLING路段,但沿海靚景一流,呢個係一個食蟹城市..周圍都係以蟹做ICON.話咁快去到下午飯位~
我眼見韓國車友踩車都比較快,好喜歡爆一PART,就休息,之後又爆..斜路可以講勁,我都冇見過韓國人推車.同埋後PART都KEEP到耐力,所以地大地方車友,如台灣,泰國,單車友真係耐力勁,所以我地香港人應該更加自豪,係地理環境唔足夠外,踩100K已經叫長課,都去唔同地方挑戰~真係對所有香港車友致敬,今次見到D特別車種,一部係小布,一部係用2.0胎MTB,同埋鋼車..諗起後PART 踩山都可以完成,真係好利害.
今次路線都唔算大罪化,頭600K都係細山為主,又上又落,自問當時感覺唔算辛苦,因為斜路冇想像中咁多..
頭600相對輕鬆,都係以平路同ROLLING路為主...
DAY 2 ,今日目標係去到CP位可以訓到3小時,大家晚上都加快腳步,每次停都係休息5分鐘,我就要休息隻腳,因為腳開始好痛(腳指麻痺),右下壞消息,去到CP附近,本來打算訓酒店,但可惜冇哂ROOM...我地唯有訓街,呢張本身訓7-11,但店員趕我地走...(台灣就好WELCOME,好彩有車友提早出發,俾個位我地可以訓,但時間已經得番一小時,1小時好似坐底就要起身..亦都令我地埋下600K後上大山體力透支,之後要追CP的痛苦
起身便利店早餐~~亦撞番首領,一齊起步,當時知道開始進入戲肉,後600K會不斷上山路,因為精神唔夠,早上成日自言自語..成個傻佬,但唔好俾自己停,踩踩下就會精神返...沿路大直路不斷行,我仲係咁問個山到未?佢地就話係前面,但已經踩左2小時...
後600K路線圖..不斷上山落山..斜度亦比較強
後600K係不斷大山,好多都15%以上...唔知大會點諗....最後踩到個人冇感覺,
600K後第一個驚喜,9百米大山,最後斜度同武嶺有得比..以為係最甘,原來之後仲甘..哈哈
如果踩斜要推車或好似我地晚上先入山,就會令到CP時間好緊迫,同埋除左開頭同終點有工作人員外..基本上所有CP都係自己食自己..萬一有事,都冇人可以理到你..好彩今次有阿謙一齊拍住踩..如果自己單拖踩我真係唔建議~~因為今次參加人數少,而地方亦係郊區多,有車友一齊係安全好多,而我並唔敢亂跟其他車友,驚入黑,腳程唔夠就變左單拖仲危險.
逃出大山,自己踩住等,因為唔識韓文,唯有7仔食面..之後晚飯好彩撞到番阿HIM,佢女友幫手電話教路叫野食,感謝,右下東西,係酒店拎..本來用黎抹身,我用黎救命用,我PAT PAT痛到坐唔到,我用黎墊住..減到2成痛楚...後來其實都係用意志力去解除同企身搖車
開始入夜,收到前面隊友通知,有絛東涌道加長版等緊我地,我地希望入黑前可以踩完一絛~
嚇死我事件... 我落斜MISS左個路口,好彩GARMIN話我知行錯,但我已經差唔多落到底,又要由頭踩上去,當時入黑得自己一個,超驚..仲有隻蝙蝠係我頭上飛黎飛去..未試過踩斜咁快...爆番去搵阿謙
係今次路線中,第3晚,我地入左條村路,好恐嚇,係咁入面兜圈,同埋每次個景都好似一樣.眼前只有自己大燈..後尾俾預期遲左一小時先到落地袋CP...我地踩完出去,都互望鬆一口氣,因為邊踩邊眼訓,隻眼同個腦都係到爭扎,危險性又增加,但我地當時真係唔敢停..唯有照頂...
今晚得到之前經驗,叫堡主(俾我們踩快約2小時)幫手BOOK定酒店,等我地去到CP,唔駛再搵,慳左好多時間...點知黎呢個CP前,我地入左一個村路,踩左好耐D路都好似相同,我地都好驚..搞左好耐,俾預定時間慢左成1小時都有..所以今晚都係訓得2小時多少少..
相信韓國人很執著,好多路牌都類似呢個咁~會有埋點數位..
基本上04至08,係最眼訓時間..成日自言自語,係到叫..迫自己清醒,今日因為追CP時間,全日都係7仔買包為主,
由於早上路倒(休息)太多,時間唔太足夠,我仲要踩落立青路,後外胎都爆開,當時已經踩到1000K以上..好無奈,好彩阿謙黎到,幫手用刀仔,批番D立青..再趕路,再搵單車店買外胎.感謝..
我同阿HIM KEEP住3十尾,輪流帶終於趕及CP關門前到達,原來呢個CP需要影相作證..就算遲都冇人理...
1K XC路,都可以接受,同阿HIM有交流踩下休息下...
又係早少少到CP,今次影油價..之後仲有78K,加4座山就到終點..
食完飯後,入夜都有D位突然好眼訓,我建議真係頂唔順,搵路邊可以休息地方,急充5分鐘,好處踩時可以追番之前D時間,最後個晚阿謙已經證明左..
最後78K,要踩完4座山返終點 左上..阿謙急充5分鐘..之後爆住上斜,同佢玩大山追逐戰.. 你見到怎麼嗎?全晚係山入面,我只係見到前面燈光...所以落斜相對要收慢
同埋有上斜或落斜時,盡量俾PAT PAT休息,因為就算咩車褲同咩SEAT位都好,踩咁長途,一定會痛,記得要時常補防磨膏,最後我已經練到上斜一種節奏去休息自己個PAT PAT..同埋盡量唔好太重腳去踩,因為消耗過度對後期踩會仲辛苦~我今次盡量都係用25飛去踩..留一飛做救命,但我相信如果換32,效果更加好...
沿路已經數唔到有幾多次路倒,總知精神唔好,就要搵地方休息,踩長途路倒急差已經係必要的技能..
郊區有時會遇到呢類型休息地方,好正...
今次路線大部份都係郊區路線,沿路都會見唔少這類型的公車站,正好係我們休息的好地方,每次訓都係5分鐘左右就要起步.
整體踩完1200,真係元氣大傷.始終係第一次踩咁長途,但呢種經驗令我8月踩法國1200k時會知道有怎麼感受,令我早一點適應..
韓國車友好利害,應該係全場唯一一部細車,仲要用小布完成,曾經有絛平路同佢踩,但唔夠佢快,很利害..
難忘時刻(諗到咩就打)
600後上大山..因為PAT PAT太痛,估唔到搖車慢慢搖有絛斜路搖哂上頂,順便休息下個PAT PAT
落左斜路,搞到自己單拖係大山入面,當時真係驚,好擔心,唯有爆上斜搵番D路,但都踩左一D時間..
晚上入左村路,真係愈踩愈驚..因為個個位一樣,又見唔到大路,踩左幾個鐘先出番去..又唔敢停係到訓..嚇死.
最後3個CP,發揮潛能,平路同阿謙爆車追時間,沿途多謝阿謙幫手帶車,慳左好多時間
完成了...成位首批完成韓國長途的香港人,當時感覺係好累,想快D搵野食..
最後多謝今次韓國戰友,多謝你地照應,好開心識到謙神,果然全能車手~同埋多謝一直支持我的朋友,每次睇你地留言,就係動力黎~因為長途真係一種意志力挑戰~!!
右下係韓國會長,佢一人負責開車開1200K去派發落地袋,好勁,上方為完成後證書咁牌,但個牌我唔見左....
溫馨提示
天氣: 韓國天氣早上比較涼,到9點打後,氣溫會升番約30度左右,舒服.
晨早及夜晚氣溫會約10至15度左右,所以要準備多件風夜保暖
日光時間比較多,對踩長途有好處,唔駛摸黑踩太多,相對用電比較少(電筒)
文化:
基本上你唔識韓文都溝通唔到..無論食野坐車都比較麻煩.韓國人簡單洗手間英文都唔會明,準備定APPS翻譯吧~所以我最後一日踩時,冇車友身邊,搵食都係去便利店食杯面,因為街上韓文睇唔明,食飯都冇有圖MENU,叫唔到野食.
飲食
如果唔識韓文,都好難搵到好野食,今次好多時都係靠車友幫手
交通
我個人覺得非常唔方便.機場去起點都300K,開頭車友建議坐巴士轉火車等等..但拎坐個車箱真係唔方便,所以建議包車,單程每人都約HK600..坐成4小時車..
如果踩時途中放棄,要自己搵車走,仲要有車袋先可以俾你上車,所以頭400都有諗過踩唔掂..但之後就冇諗...因為要走仲麻煩過踩完..
工具
GARMIN 810今次真係幫到手,同埋多謝台灣朋友,將14個CP斬開,咁樣細分化,減輕每次行錯路要重新計算的時間~
頭燈,尾燈,頭盔前後燈,同埋反光帶真係愈多愈好,因為入黑保障自己為首要,同埋俾其他車友知道你的方向
相關資料 Korea Randonneurs
網頁 http://www.korea-randonneurs.org/info-gr1200.htm
路線 http://ridewithgps.com/routes/8083429
GARMIN 中途HAND左機.冇左紀錄...
1221K,上升 13XXX
路線 https://www.strava.com/activities/324218141/segments/7666023271
GARMIN https://connect.garmin.com/activity/802162903
相關資料 Korea Randonneurs
網頁 http://www.korea-randonneurs.org/info-gr1200.htm
參與人數 66人,
成功完成52人
今次完成令自己對長踩有一種感覺,抱著學野心態,平常心去完成,因為長途完唔完成到,有時唔係自己可以完成決定,天氣,地利都好重要,但起碼對2個月後法國PBP1200長途有一定認知,知道會係一場硬仗~
