雞蛋
雞蛋係常見嘅致敏源，唔可以食雞蛋之外，就連含有雞蛋或少量蛋液嘅食物都要注意，好似蛋糕、麵包等。
牛奶
牛奶中含有多種容易引起過敏嘅蛋白質，如酪蛋白、α 乳蛋白素 及 β 乳球蛋白抗體等都係最主要嘅過敏源，除咗牛奶之外，一啲奶製品如芝士、麵包等都要避免。
海鮮
好多海鮮性質寒涼，食得多有時仲會引起腹瀉，加上海鮮容易惹濕，會加重濕疹症狀。
糯米
糯米性溫，係黏滯之物，食得多糯米會加重人體濕熱，濕疹患者一定要避免。
芋頭
芋頭同糯米一樣都係黏滯之物，食得多會阻礙脾臟嘅去濕功能，令人體濕毒積聚難以消除，加重濕疹症狀。
酒精飲品
酒係濕熱之物，飲酒會增加人體嘅濕熱，助長濕疹。
辛辣刺激食物
辛辣刺激嘅食物好似辣椒、蒜及薑等會刺激引發濕疹。
補品補藥
濕疹患者最忌就係進補，因為補品補藥大多係熱性之物，會使人嘅內熱加重，更加容易引發濕疹。
資料來源：舒緩濕疹 濕疹飲食禁忌 濕疹改善方法
