最新嘅科研報告話個宇宙可能有267億歲而唔係137億歲⋯有聊得很話其實兩者都係錯嘅⋯事實個宇宙嘅歲數係⋯

獻給哈勃的退休禮物（第二季——續航至宇宙邊緣）（五十七）有科學家話個宇宙唔係138億歲而係267億歲！？！又有科學家話早期個宇宙嘅時間運行比依家慢五倍！？！係真唔係呀！？！哈！！！你哋實在太天真了🤭🤭🤭
有幾天真！？！
縱使上面呢兩句係真嘅，都仍然解釋唔到百幾億年前幾百億個太陽質量嘅特大質量黑洞已經形成，更加解釋唔到十三個類星體組成有過百億光年嘅宇宙長城亦已經健在！！！
咁⋯究竟有聊得很認為上面科學家講嘅呢兩句嘢啱唔啱呢！？！
答案係⋯「有聊得很認為曾經啱，但係太天真了」！！！
因為⋯你哋咁講⋯實在太小兒科了🤭🤭🤭
有聊得很唔係呀大個口亂噏嘅！比證據你睇：⋯
科學上嘅證據先由 hypothesis 開始：
hypothesis 1 .
假設廣義相對論係啱嘅。即係話所有質量都會令三維空間扭曲，如果用有聊得嘅講法即係向勢維度陷落，呢點同牛頓嘅講法gravitational potential energy = -GMm/r 亦都吻合（亦即係「勢」（gravitational potential）= -GM/r)。
質量越大或者密度越高嘅星體會令三維空間嘅扭曲越大，亦即係向「勢」（-GM/r)維度陷落得越多。
例如黑洞、中子星、太陽、地球、月亮⋯你同我甚至一條羽毛都會令三維空間向「勢」維度陷落順序由深至淺。
特別一提（真係好特別固喎，mark 住佢先呀🤭），到咗黑洞嘅事件窮界已經係無限陷落，亦即係根據廣義相對論講時間喺嗰度已經因為重力紅移停頓咗而形成一個二維嘅全息界面，而呢個界面亦都包含咗三維空間嘅所有信息。而更重要嘅係事件窮界裏面嘅時間會係點呢！？！「unknown」！！！唔係有聊得很亂吹嘅，你可以問世上任何一個天文科學家「事件窮界裏面嘅時間會係點睇下佢識唔識得答！？！」🤭🤭🤭
hypothesis 2 .
大爆炸理論（Big Bang Theory）係啱嘅。
有需要重新界定一下，大爆炸係由一個奇點爆出嚟（類似傳說中嘅白洞囉），跟住隨住時間個宇宙一路變大直至今日⋯
有必要重新強調一下「隨住時間個宇宙一路變大直至今日」！！！亦即係話130億年前個宇宙係好細嘅，120億年前大咗好多，110億年前又再大咗好多，100億年前又又再大多好多⋯直至今日個宇宙喺歷史上最大㗎啦。呢點又係好重要㗎播，mark 住佢 mark 住佢🤭
hypothesis 3 .
牛頓話，所有星球嘅 gravitational potential energy 係應該用 scalar sum 嘅方法加起嚟得個總和先至係你依家所處嘅勢能（亦即係話 gravitational potential 「勢」（-GM/r)都係應該用 scalar sum 嘅方法加起嚟得個總和先至係你依家所處嘅勢。所以逃離地球、太陽系、銀河系嘅速度分別係十一、十七同五百幾左右嘅 km/s。
廣告
又再特別強調一點，你周圍嘅質量越多或者越密，你嘅「勢」就會更加墮落⋯啊唔係⋯有聊得很語文水平唔夠，應該係陷落至啱🤭🤭🤭
打個比喻，你依家去海洋公園，個「勢」就會比早十年去海洋公園高貴好多㗎啦（因為人少咗）！🤭🤭🤭呀唔係又語文水平唔好用多咗個貴字添，一 D 都唔貴，好高性價比嘅⋯從來都咁抵玩！超值🤭
個宇宙都同海洋公園差唔多🤭
個宇宙一路隨住時間一路澎漲⋯
星體嘅密度變得越嚟越疏，即係summation of -GM/r 嗰度每一個 r 越嚟越大，亦即係每一個星體對你產生嘅「勢」越嚟越負得少，就好似你供緊樓而個樓價一路升，你係咪覺得你自己越嚟越高貴呢🤭🤭🤭
130 億年前陷於「勢」陷得好深，120 億年前提升咗唔少，110 億年前陷得更加少⋯即係話因為個宇宙一路澎漲你一日比一日高貴（因為個「勢」越嚟越負得少）🤭
就好似一開頭講，廣義相對論話質量越大或者密度越高嘅星體會令三維空間嘅扭曲越大，亦即係向「勢」（-GM/r)維度陷落得越多。注意‼️密度越高會令三維空間嘅扭曲越大，亦即係向「勢」（-GM/r)維度陷落得越多。亦即係話根據廣義相對論講，因為重力紅移，時間越後期就運行得越快‼️
或者倒返轉講會更加清楚！越早期嘅宇宙，時間運行得越慢，科學家話早期個宇宙嘅時間運行比依家慢五倍曾經係啱過嘅，只係有其中一點時間曾經啱過。事實係個宇宙分分鐘嘅時間運行速度都唔同，係一日比一日快，瑪雅泥板講嘅嘢完全正確，時間頻率一日比一日變得快，今日嘅時間比昨日過得快，明日嘅時間又比今日過得更快，因為對於「勢」嚟講，每一個人甚至每一個原子都一日比一日高貴‼️呢 D 完完全全係有科學根據嘅🤭🤭🤭
最後，亦都係最重要嘅，如果白洞都同黑洞一樣有事件窮界（根據廣義相對論去推論肯定係），即係話，極之可能喺137點幾億年前左近個宇宙係喺一個白洞嘅事件窮界爆出嚟先至有時間呢件事（因為喺事件窮界上面嘅時間係停頓嘅，而事件窮界裏頭嘅時間係 unkown ，所以有聊得很從來都唔信咩暴漲期，因為就算有，根據廣義相對論都係冇意義嘅，除非你講得出黑洞事件窮界裏頭嘅時間係乜東東！）。
而最最最重要嘅係，由嗰一刻開始，時間運行一日比一日加快。早期宇宙嘅時間運行唔係慢五倍咁簡單‼️而係由停頓開始一日比一日加快‼️依家嘅時間係歷史上運行得最快嘅。
而宇宙有138億歲呢個概念亦都係站喺現今嘅時間立場去睇，事實早期嘅宇宙嘅時間運行可以比依家慢億萬倍（個宇宙剛澎漲過咗大爆炸嗰個原始白洞嘅事件窮界咪係囉，唔通有任何疑問咩！？！）。基於呢個原理，現今立場睇嘅138億歲就等於事實上嘅一萬億歲都唔止而係無限歲‼️所有咩唔夠時間形成咩特大質量黑洞呀，咩有十三個類星體超過一百億光年咁長嘅宇宙長城呀⋯通通沒有問題，因為廣義相對論一百年前老早就話過你哋聽有 gravitational time dilation 呢件事，只不過一個個天文科學家用咗足足一百年都未讀得明廣義相對論啫🤭🤭🤭
未完待續⋯
請繼續追看「獻給哈勃的退休禮物（第二季——續航至宇宙邊緣）」最終章節🤭
密切留意⋯
coming soon⋯
登。登。登。凳⋯
有聊得很腦殼中嘅 真。科。幻 
獻給哈勃的退休禮物（第二季——續航至宇宙邊緣）（五十八）（最終章）永遠睇唔到嘅宇宙邊緣——係最內亦係最外⋯係原來嘅奇點亦係138億光年為半徑嘅球面⋯
即。將。上。映
作者：有聊得很（manbolo88)
另外，獻給哈勃的退休禮物第二季完咗之後，有聊得很會重新上載有聊得很嘔心瀝血之作——歐頓紀元直至六十三集第一季完結
又再另外，比歐頓紀元更加真。科。幻嘅歐頓外紀（歐頓紀元番外篇🤭）亦在構思中，請密切關注😁
想睇下一集嘅請按：
想由第一集睇嘅請按：
想睇歐頓紀元嘅請按：
想睇獻給哈勃的退休禮物第一季嘅請按：
想睇驚情六百年嘅請按：

想睇狂想科幻應用系列嘅請按：