春天必備的玩意

登~~登~~登~~登~~!!!!佢地就係我最新嘅玩具啦!! 抽濕機同空氣清新機!!!!!!!! (由於返到屋企時~老媽子己經收拾晒D箱,所以無開箱文 XD)



其實向來屋企都好乾爽~都唔點抽濕,但係哩一兩年,牆身開始生mo mo, D 書又開始彎彎地~搞到我要花超多時間處理佢地!!所以決定要買返部抽濕機啦~又正好適逢老豆返左香港,HeHe~~自然屈佢買部俾我做生日禮物啦。而由於時間緊逼,無機會上網爬文做research......所以只好喺上星期六冚家去晒相熟果間白蘆薈揾阿金牌sales推介推介。結果佢介紹部Panasonic嘅F-YZB10X俾我地~話熱石式新D好D~~~bababa一大堆解說咁啦~但我就好膚淺嘅!!!最最最緊要靚仔!!!但係功能又唔要好wor~~ XD 哩部都合格。加上老媽子都話哩部啱,夠晒slim放係走廊同房~咁就係佢啦!!

咁買買下果陣我又口痕問下D空氣清新機啦~阿金牌sales當然良機匆失啦~嗱嗱聲因應我喜好推介左部Sharp嘅FU-W40A 空氣清新機俾我。其實哩部機都見過幾次~又真係幾型(仲要係紅色添)~加上阿金牌sales落力介紹哩部機嘅好處(又係格晒D塵呀~m0呀~花粉呀~甲醛呀果D啦,呀,仲曉放返D負離子wor~~)。既然佢睇得又打得,咁咪帶埋佢返屋企囉 >/////<

所以晚食飽飯之後就好好咁安置好兩部新玩具啦,你地話係咪好啱春天用呢 XD