各位訂在 O2 Atom 既朋友留意 - Important!!!

我之前係旺角 (百老滙戲院對面) 間雷x俾$500訂左部 O2 atom. 當時單上列明售價為 $5980. 點解我要訂? 因為佢地 Sales 話訂左就係實價, 唔會變抄價喎!

點知今日接到佢地通知, 售價要由 $5980 加到 $6980 多一千. 仲問我要唔要, 要既話約3日后到貨! 我即時發難少佢, 及警告如果比我知有貨到又唔比我, 硬係要賣 $6980 既話, 一係賠返雙訂金比我, 一係銷委會見! 點知佢聽完拿拿林收線!

各位朋友, 以上鋪頭做生意手法真低劣! 如果張單無表明價錢就話姐, 電腦打單都係 $5980, 話因為來貨價高左就向先前訂左貨既客追加$??! 做生意點可以咁架!! 呢d係佢地做生意既風險, 雷x應該自己承担返!

我本人拒絕抄貨手法, 以上鋪頭 (黑店) 各位朋友千萬小心, 勿被欺騙!!

諗諗下 email 比 HK & Singapore 既 O2 及其 agent 嚴重投訴佢其下既分銷商做出如此"劣行"! 同時話比各"傳媒雜誌" 聽, 等佢地唱下, 比全香港人都知間 "賊店" d 衰野, 話唔定唱到連華人遊客都知仲好!! (#^@&*#...N年前d詐騙手法又出返黎, 真不知所謂!)

各位朋友可能覺得如果間"賊店"因突然加價但肯退還訂金比我還可以! 但我本人覺得咁樣只會助長佢地既劣行!

1.) 我落訂前問清 sales, 佢地話訂左貨可以係實價, 唔怕一出貨就被人抄貴! (訂單上清楚印落 $5980!) 當時佢地都係有禮既! 但試問 E + 邊個 sales 無禮丫?
2.) 貨到左當然應該先俾訂左貨 d 客先啦, 唔係駛乜先訂貨? 不如買現貨好過! 無理由佢坐地起價, 逼先前落訂 d 客加錢或退訂, 然后把現貨價提高再賣俾 d 新 walk-in 客??! 咁同"欺騙"有乜分別??!
3.) 代理真的突然出 Deluxe 版? Jabra BT + 保護 = 多$1000? 乜都係代理攪鬼? Jabra BT + 保護唔比係 d 分銷 "賊店" 自己做手腳后加上去來把售價調高的技倆亦可呀?! 點解人地其他地方(Smartloan, 温23, pocketpc.xxx.hk...等)訂既又無 Deluxe 版呢? 聰明既你地都諗到啦!

因賣價抄高而真的肯收回之前所付訂金 d 朋友諗下, 收返 d 訂真的俾機會呢 d "賊店" 將來不斷"重施故技"去"欺詐"大眾! 值得大家重視呀! 杯葛呢 d "賊店"! 香港"購物天堂"的美名, 比佢地整臭啦!!